15 sentyabr – “BİLİK GÜNÜ”DÜR.
Dünya dövlətlərində olduğu kimi bizim ölkəmizdə də “Bilik günü” qeyd olunur. 15 sentyabr 2016-cı tarixdə məktəbimizdə də “Bilik günü” qeyd olundu. İlk öncə Azərbaycan Respublikasının Dövlət Himni səsləndi. Daha sonra məktəbin direktoru Respublikanın əməkdar müəllimi Yaqut xanım Sadıqova çıxış edərək məktəbimizin müəllim heyətini, şagirdləri salamladı və təhsil yüksək dəyərləndirən ulu öndərimiz H. Əliyevin davamçısı Prezidentimiz İ. Əliyev cənablarının və “Yeniləşən Azərbaycana yeni məktəblər ” proqramının müəllifi M. Əliyevanın təhsilimizə göstərdiyi yüksək qayğıya cavab olaraq məktəbimizin qazandığı uğurlardan danışdı.Belə ki, 2016-cı ilin tələbə qəbulunun nəticələri məktəbimiz üçün çox sevindirici olmuşdur. Məzunlarımızın 67 %-i ali məktəblərə çox yüksək ballarla qəbul olmuşdur. Bunlardan 10 nəfər 500-dən yuxarı, 3 nəfər 600-dən yuxarı,1 nəfər Abdullayeva Fidan Hikmət qızı 681 bal toplayaraq ATU-nun müalicə işi fakültəsinə daxil olmuş,Prezident təqaüdünə layiq görülmüşdür.Tədbirdə Abdullayeva Fidan Hikmət öz sevincini müəllim kollektivi və şagirdlərlə bölüşdü
