“Tashkent Triumph Festival” adlı III Beynəlxalq İncəsənət Konkursu Festivalında şagirdimiz qələbə qazanıb
Təbiətin nitqi olan musiqi eyni zamanda ruhun qidası, qəlbin aynasıdır. Bu baxımdan məktəbimizin VII C sinif şagirdi Qasımzadə İsmayıl Özbəkistanın Daşkənd şəhərində təşkil olunmuş “Tashkent Triumph Festival” adlı III Beynəlxalq İncəsənət Konkursu Festivalında klarnet ixtisası üzrə uğurlu çıxış edib. Onun ifası 12 yaşlılar kateqoriyası üzrə I yerə layiq görülüb. Həmçinin Ailə Qadın və Uşaq Problemləri Üzrə Dövlət Komitəsinin təşkil etdiyi "Qalib Ölkənin Qalibləri - 2024" müsabiqəsinin mədəniyyət və incəsənət sahəsində qazandığı uğurlara görə sertifikatla təltif olunub. Şagirdimizi məktəb rəhbərliyi və müəllim kollektivi ürəkdən təbrik edir.
