"20 Yanvar şəhidləri"nin xatirəsi yad edildi
19 yanvar tarixində məktəbin onlayn dərslərində 20 Yanvar faciəsinin 31 - ci ildönümü şəhidlərin anım günü kimi ehtiramla qeyd olunmuşdur. İbtidai və yuxarı sinif dərslərində 20 Yanvar hadisələri milli birlik rəmzi kimi xatırlanmış, əbədiyyətə qovuşan , vətənpərvərlik salnaməsi yaradan vətən övladlarının müqəddəs ruhları hörmət və qürurla anılmışdır. Şəhidlər xiyabanı müstəqillik, vətən birliyi şərəfinə şəhidlərin ruhu ilə ucaldılan and yerimiz, qeyrət və ucalıq qalamızdır kimi fikirlər 8 "B" sinif şagirdlərinin hazırladığı onlayn ədəbi- bədii kompozisiyada öz ifadəsini tapmışdır. Əminik ki, Qarabağın işğaldan azad olması 20 Yanvar şəhidlərinin ruhlarının şadlıq təntənəsidir. Tədbirdə iştirak edən məktəbin direktoru Əliyeva Zeynəb müəllim öz çıxışında gənc nəslə --şagirdlərə Azərbaycanı, tariximizi, milli- mənəvi dəyərlərimizi hər zaman uca tutmağı, Vətəni göz bəbəyi kimi qorumağı və inkişaf etdirməyi şəhidlərin əbədi ruhları qarşısında mühim bir borc olduğunu diqqətə çatdıraraq onları Azərbaycana nurlu gələcək olmağa səslədi.