Azərbaycanın Dövlət Müstəqilliyi Günü ilə əlaqədar məktəbdə ağacəkmə mərasimi
18 oktyabr Azərbaycanın Dövlət Müstəqilliyi Günü ilə əlaqədar məktəbin "İllik Fəaliyyət Planı"na uyğun olaraq həyətyanı sahədə yaşıllaşdırma işləri aparılmışdır. Məktəbin Azərbaycan dili və ədəbiyyatı müəllimi Ülkər Yaqubova və məktəbin coğrafiya müəllimi Nərgiz Həşimovanın təşəbbüsü ilə keçirilən ağacəkmə aksiyasında şagird və müəllim kollektivi həmişə olduğu kimi böyük səy və həvəslə iştirak etmişdir. Məktəbyanı sahənin yaşıllaşdırılması müntəzəm olaraq mövsümə uyğun həyata keçirilir və bu həm şagirdlərdə, həm də müəllimlərdə ekoloji tarazlığın qorunub saxlanılması, ətraf mühitin mühafizəsi, ölkəmizin ekoloji cəhətdən sağlam bir diyara çevrilməsi üçün məqsədyönlü fəaliyyətin zəruriliyi fikrinin köklü şəkildə formalaşdırılmasına xidmət edir.
