118 №-li tam orta məktəb

5 oktyabr dünya ictimaiyyətinin məhəbbətlə qarşıladığı və daim qəlbində gəzdirdiyi müəllimlərin peşə bayramı, Beynəlxalq Müəllimlər Günüdür.

Ölkəmizdə müəllimlər günü 1993-cü ildən qeyd edilməyə başlanıb. Beynəlxalq Müəllimlər günü həyatını xalqın işıqlı gələcəyinə həsr edən müqəddəs peşə sahiblərinin bayramıdır. “Hər birimizdə müəllimin hərarətli qəlbinin bir zərrəciyi var. Mən dünyada müəllimdən şərəfli ad tanımıram” deyən ümummilli lider Heydər Əliyev Azərbaycana rəhbərlik etdiyi bütün illərdə müəllim əməyini yüksək qiymətləndirmiş, onlara böyük hörmətlə yanaşmış, təhsil işçilərinin maddi vəziyyətinin, rifah halının yaxşılaşdırılmasının qayğısına qalmışdı.

Bu gün məktəbin direktoru Nizaməddin Ağcayev müəllim kollektivini Müəllim Günü münasibətilə təbrik edib onlara xoş arzularını bildirdi.Bir qrup müəllimi diplomla təltif etdi.

Prezident İlham Əliyevin 2023-cü ilin iyulun 31-də imzaladığı Sərəncama əsasən, hər il oktyabrın 4-də Cəbrayıl Şəhəri Günü keçirilir.

Əlamətdar günün təsis olunması Cəbrayıl şəhərinin Ermənistan silahlı qüvvələrinin işğalından azad edilməsi tarixi ilə bağlıdır. Belə ki, bu gün - oktyabrın 4-də şəhərin erməni işğalçılarından təmizlənməsindən 4 il ötür.

2020-ci ilin oktyabrın 4-də Cəbrayıl şəhəri ilə yanaşı, rayonun daha 9 kəndi - Karxulu, Şükürbəyli, Çərəkən, Daşkəsən, Horovlu, Mahmudlu, Cəfərabad, Yuxarı Maralyan və Dəjəl düşmən işğalından azad olunub.

Azad olunan ərazilərə Azərbaycanın üçrəngli şanlı bayrağı sancılıb.

Məktəbin tarix müəllimi Könül Abdulxaliqova 6b sinfində Cəbrayıl şəhəri gününə həsr olunmuş nümunəvi dərs keçdi.Dərsdə şagirdlərə Cəbrayıl şəhəri haqqında məlumat verildi, videoçarx nümayiş etdirdi, şagirdlər şeirlər söylədi, öz təqdimatları ilə çıxış etdi.

Oktyabrın 1-də dövlət ümumi təhsil müəssisələrindəki məktəbəhazırlıq qruplarında məşğələlərə start verilib.

2024-2025-ci tədris ilində Bakı Şəhəri üzrə Təhsil İdarəsinin tabeliyindəki 287 ümumi təhsil müəssisəsinin məktəbəhazırlıq qruplarına 23 438  uşaq qeydiyyatdan keçib.

Qeyd edək ki, dövlət ümumi təhsil məktəblərində yaradılan məktəbəhazırlıq qruplarında həftədə 4 gün olmaqla 12 məşğələ keçirilir. Məktəbəhazırlıq qruplarında dərs məşğələləri “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət”dən ibarətdir.

Onu da qeyd edək ki, məktəbhazırlıq qruplarının yaradılmasında məqsəd 5 yaşlı uşaqların hazırlığı ilə əlaqədar psixoloji dayanıqlığını artırmaq, təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.

118 saylı tam orta məktəbin müəllimi Novruzova Şəlalənin rəhbərlik etdiyi sinfin şagirdləri KİNGS Beynəlxalq Riyaziyyat olimpiadasinda sertifikat qazanmış eyni zamanda aktiv sinif olaraq yer tutub.

Şagirdlərimizi təbrik edir,onlara uğurlar arzulayırıq.

"Qəhrəmanlar qurur mənbəyimizdir ,,.

“27 sentyabr Anım Günü və 8 noyabr Zəfər Günü ilə bağlı Tədbirlər Planı”na və BŞTİ-nin müvafiq əmrinə əsasən bu gün E.Cəfərov adına 118 nömrəli tam orta məktəbdə 27 Sentyabr Anım günü ilə bağlı "Qəhrəmanlar qurur mənbəyimizdir" mövzusunda tədbir keçirildi.

Tədbirdə Höccət İbn Həsən məscidinin dini icmasının sədri Allahverən Məmmədzadə,Şəhid ailə üzvləri,qazilər, müəllim və şagird kollektivi iştirak etdi.

Tədbir Azərbaycan respublikasının Dövlət bayrağının gətirilməsi, Dövlət Himninin səsləndirilməsi,sonra isə "44 Günlük Vətən müharibəsi" və Azərbaycan torpaqları uğrunda canından keçən şəhidlərimizin ruhunun bir dəqiqəlik sükutla yad edilməsi ilə başladı.

Ardınca şagirdlərimizin şəhidlər haqqında şeirlər, vətənpərvərlik ruhunda mahnılar, kompozisiyalar ilə çıxış etdi.

Sonra qazi və şəhid ailə üzvləri çıxış etdi.

Sonda məktəbin direktoru Nizaməddin Ağcayev çıxış etdi.

O çıxışında bildirdi ki,27 sentyabr tariximizin ən əlamətdar, ən müqəddəs günlərindən biridir. Bu gün Vətən müharibəsində qəhrəmancasına döyüşmüş, Azərbaycan Bayrağını işğaldan azad edilən torpaqlarda dalğalandırmış, ölkənin ərazi bütövlüyü yolunda canlarını fəda etmiş əsgər və zabitlərinə, bütün şəhidlərinə dərin ehtiram əlaməti olaraq "Anım Günü" kimi qeyd edilir. Bizim igid oğullarımız 30 ildən sonra elə bir zəfər tarixi yazdılar ki, bütün dünyaya türkün gücünü, qüdrətini sübut etdilər. II Qarabağ müharibəsi 44 səhifəlik bir dastana döndü".

Sonda şagirdlər vətənpərvərlik musiqisi sədaları altında siniflərə daxil oldu.