118 №-li tam orta məktəb

Azərbaycan Respublikası Prezidentinin Sərəncamına əsasən ölkəmizdə hər il “18 may-18 iyun İnsan hüquqları aylığı” çərçivəsində silsilə tədbirlər həyata keçirir. Məktəbdənkənar və sinifdənxaric işlər tərbiyə işləri üzrə təşkilatçı Kəmalə Əmirzadə, UBTR Sinarə Məmmədova və psixoloq Aytac Məmmədovanın rəhbərliyi altında məktəblilərin iştirakı ilə “İnsan və vətəndaş hüquqları” adlı maarifləndirici tədbir keçirmişdir. Tədbirdə iştirakçılara mövzu haqqında ətraflı məlumat verilmiş və hər bir insanın yaşamaq, azadlıq, vətəndaşlıq, iştirak etmək və s. kimi huquqlarından danışılmışdır. Tədbirdə mövzuya aid video çarx nümayiş etdirilmişdir.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

“Heydər Əliyev İli”nə həsr olunmuş Ortaq Türk Dünyası Olimpiadası qaliblərinin mükafatlandırılma mərasimi Bakı Konqres Mərkəzində baş tutdu.Tədbir Bakı Şəhəri üzrə Təhsil İdarəsinin təşkilatçılıgı ilə keçirilirdi Mərasimdə Elm və Təhsil Nazirinin müavini Firudin Qurbanov .millət vəkilləri. Bakı Şəhəri üzrə Təhsil İdarəsinin müdiri Mehriban Vəliyeva və İdarənin müavinləri.şöbə müdirləri .şagirdləri olimpiadada yer tutan məktəb direktorları .olimpiadada iştirak edən 6 türk ölkəsinin hər birində 6 nəfər qalib şagird və həmin ölkələrin səfirliklərinin nümayəndələri .digər rəsmi qonaqlar iştirak etdilər. Mərasim zamanı məktəbin 10 a sinif şagirdi Nəzərova İlqarə III yerə layiq görüldü. Şagirdimizin bu uğuruna kollektiv olaraq sevinir, gələcək işlərində ona uğurlar arzu edirik!!!

Məktəbin ingilis dili müəllimi Məmmədova Məhsəti 8a sinfində Ümummilli lider Heydər Əliyevin 100 illik yubileyinə həsr olunmuş tədbir keçirildi. Tədbiri giriş sözü ilə açan məktəbin direktoru Nizaməddin Ağcayev deyib ki, hər bir xalqın milli azadlıq və istiqlaliyyət tarixində xilaskar rolunu oynayan dahi insanlar var. Həmin dahilər öz qətiyyətləri ilə mənsub olduqları xalqı arxasınca aparıb, ən taleyüklü məqamlarda qalib rolu oynamışlar. Azərbaycan xalqının ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşüb. Müstəsna xidmətləri ilə əbədilik qazanan ümummilli lider Heydər Əliyevin mənalı həyat yolu, zəngin və çoxşaxəli irsi tükənməz ibrət məktəbidir. Ötən illərə nəzər salarkən Azərbaycan xalqının öz müdrik liderinin rəhbərliyi ilə qazanmış olduğu mühüm tarixi nailiyyətlərin bir daha şahidi oluruq. İntibah və milli şüurun oyanışı Heydər Əliyevin hakimiyyətə gəlişi ilə başlamış, müstəqilliyimiz məhz onun sayəsində əbədi və dönməz xarakter alıb. Ölkəmiz dünyada layiq olduğu mərtəbəyə Ulu öndərin uzaqgörənliyi, müdrikliyi, qətiyyəti, dəmir iradəsi, zəngin dövlətçilik təcrübəsi sayəsində yüksələ bilib.

Şagirdlər müxtəlif kompazisiyalar göstərmiş, şeirler, musiqi parçaları səsləndirmişdilər.

28 May Respublika Günü münasibəti ilə sinif rəhbəri Aynur Qafarlı və 6d sinif şagirdləri asudə vaxtlarını səmərəli keçirmək məqsədi ilə "Azərsun" istirahət mərkəzində oldular.Şagirdlər maraqlı oyunlar oynadılar,müxtəlif nağıl kitabları oxudular.