118 №-li tam orta məktəb

Treninqin birinci mərhələsi tanışlıq mərhələsi daşıyırdı.Bu mərhələ 5 çalışmadan ibarət idi.Hər çalışma təlimata uyğun olaraq həyata keçirildi.Yekun olaraq çalışmalar müzakirə olundu və ,,Nə öyrəndiniz?,, sualı şagirdlərə ünvanlandı.Treninqin keçirilməsində məqsəd müxtəlif sinif şagirdləri arasında gərginliyi azaltmaq,xoş əhval-ruhiyyə yaratmaq, dostluq və yoldaşlıq münasibətlərini tənzimləməkdən ibarətdir.

Bu əlamətdar gün münasibətilə şəhidlərin xatirəsi dərin ehtiramla yad edilib, onların qəhrəmanlıqları xatırlanıb. Şagirdlər əziz şəhidlərin məzarları üzərinə gül dəstələri qoyub, dua edərək, onların xatirəsini əbədiləşdiriblər.

20 Yanvar faciəsi Azərbaycan xalqının müstəqillik və azadlıq mübarizəsinin mühüm mərhələsi olaraq tarixi yaddaşda qalır.

1990-cı ilin 20 yanvarında baş vermiş dəhşətli hadisələri yad etmək və şəhidlərimizin xatirəsini anmaq məqsədilə təşkil olunmuşdur. İlahə İsmayılova bu faciənin xalqımızın tarixinə, müstəqillik mübarizəsinə necə dərin təsir göstərdiyini və xalqın necə qəhrəmanlıq göstərdiyini şagirdlərin diqqətinə çatdırmışdır. Müəllim 20 Yanvar hadisələrinin dəhşətləri, şəhidlərin qəhrəmanlığı və bu faciənin Azərbaycan tarixindəki əhəmiyyətini vurğulayıb, faciə ilə bağlı şagirdlərə videoçarx nümayiş etdirmişdir.Tədbir zamanı şagirdlər şeirləri ilə çıxış etdilər.

Tədbirin keçirilməsində məqsəd şagirdlərdə vətənpərvərlik hissi aşılamaq,keçmisimizi unutdurmamaqdır.

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən təhsil müəssisələrində 20 Yanvar-Ümumxalq Hüzn Gününə həsr olunmuş tədbirlər keçirilib.

Paytaxt məktəblərində 20 Yanvar faciəsinin 35-ci ildönümü ilə əlaqədar “20 Yanvar-Azadlığa gedən yol”, “Vətən şəhidləri heç vaxt unutmayacaq!”, “Tariximizin şanlı səhifəsi” və digər mövzularda konfrans, seminar, mühazirə və “Dəyirmi masa”lar təşkil olunub.

Tədbirlərdə BŞTİ-nin struktur bölmə rəhbərləri, əməkdaşları, təhsil  müəssisələrinin pedaqoji və şagird kollektivləri iştirak ediblər.

Tədbirlər Dövlət Himninin səsləndirilməsi və Vətən şəhidlərinin xatirəsinin bir dəqiqəlik sükutla yad edilməsi ilə başlayıb. Şagirdlərə 1990-cı ilin 20 Yanvar hadisələrinin baş verdiyi tarixi dövr haqqında ətraflı məlumat verilib, xalqımızın azadlıq və müstəqillik uğrunda apardığı mübarizə əsil qəhrəmanlıq nümunəsi kimi dəyərləndirilib.

Qeyd olunub ki, öz suverenliyinə can atan xalqımızın mübarizliyini, əyilməzliyini, məğrurluğunu təcəssüm etdirən 20 Yanvar Azərbaycanın istiqlal yolunun başlanğıcı, milli oyanış günüdür. Milli qürur günü kimi tarixə yazılan 20 Yanvarı və bu tarixi yazanların unudulmaması, hər zaman xatırlanması şagirdlərə tövsiyə edilib.

Şagirdlər 20 Yanvar hadisələrinə həsr edilmiş şeirlər söyləyib, ədəbi-bədii kompozisiyalar nümayiş etdiriblər.

Təhsil müəssisələrində xalqımızın milli qürur günü ilə bağlı xüsusi dərslər, kitab, foto və rəsm sərgiləri, həmçinin pedaqoji kollektiv və şagirdlərin Şəhidlər xiyabanına ziyarəti təşkil olunub.

Bu qiymətləndirmə, şagirdlərin əldə etdikləri bilik və bacarıqları ölçmək, təhsil prosesinin yekunlarını dəyərləndirmək məqsədini güdür. Qiymətləndirmə prosesi rəqəmsal platformalar üzərindən həyata keçirilib, bu da həm şagirdlərə, həm də müəllimlərə asanlıqla məlumatları izləmək və analiz etmək imkanı yaradıb.