Xoşbəxt olsun uşaqlar
Hər uşaq bir çiçəkdir
Gülümsəyir günəşə.
Hər ana körpəsiylə
Xoşbəxt olur həmişə
Dolsun gülüşləriylə
Qoy yaxınlar, uzaqlar
Dünyanın hər yerində
Xoşbəxt olsun uşaqlar.
Dünyanın gözəlləşməsi, insanların xoşbəxtlik və səadəti uşaqların hüquqlarının qorunması və sağlam şəkildə yetişdirilməsindən asılıdır. Cahandakı gözəllikləri dadmaq sülh şəraitində yaşamaqdan başlayır. Uşaqların Beynəlxalq Müdafiəsi Günündə hər bir azyaşlının ortaq duyğuları yaşaması dünyada bütün xalqların sülh və əmin-amanlıq şəraitində yaşaması üçün bir ümid çırağıdır. Bu gün məhz uşaqların günüdür. Bir gün də olsa, dünyadakı bütün uşaqların üzünün güldüyü gün...
1 iyun Uşaqların Beynəlxalq Müdafiəsi Gününə həsr olunmuş tədbirdə kiçik yaşlı məktəblilərin ifasında rəngarəng konsert proqramı təqdim olundu. Proqramda rəqslər, mahnılar, şeirlər səsləndirildi.
