Bir ömrün manifesti
Bu gün görkəmli alim, yazıçı və pedaqoq, XX əsr Azərbaycan elminin, ədəbiyyatının, təhsilinin inkişafında misilsiz xidmətlər göstərmiş Mir Cəlal Paşayevin doğum günüdür. Məktəbin Azərbaycan dili və ədəbiyyatı müəllimi Ülkər Yaqubova XX əsr Azərbaycan ədəbiyyatında, elmində müstəsna xidmətlər göstərən Mir Cəlal Paşayevə həsr olunmuş nümunəvi dərs keçirmişdir. Dərsdə Ülkər müəllim şagirdlərə böyük şəxsiyyət kimi tarixləşmiş, gözəl müəllim, görkəmli yazıçı, istedadlı ədəbiyyatşünas, böyük ədibin həyat və yaradıcılığı, elmi irsi, əsərləri haqqında ətraflı məlumat vermiş, xeyirxahlığı, böyük və əlçatmaz müəllimliyi, bəşəri insanlığı barəsində danışmışdır. Daha sonra videoçarxlar nümayiş etdirilmişdir. Məktəbin direktoru Nizaməddin Ağcayev dərsin təşkilinə görə Ülkər müəllimə və şagirdlərə minnətdarlığını bildirmiş və istedadlı ədəbiyyatşünas Mir Cəlal Paşayevlə bağlı xatirələri ifadə etmişdir.
