Zirvələrə yüksələn zərif insan ömrü
Yeni Azərbaycan Partiyası Qadınlar Şurasının təşkilatçılığı ilə görkəmli oftalmoloq alim, Əməkdar elm xadimi, akademik Zərifə xanım Əliyevanın anadan olmasının 96-cı ildönümünə həsr olunmuş tədbir keçirilmişdir.
Tədbir iştirakçıları Fəxri xiyabana gələrək müstəqil Azərbaycan dövlətinin qurucusu, Ümummilli liderimiz Heydər Əliyevin və akademik Zərifə xanım Əliyevanın məzarını ziyarət etmişlər.
Tədbir Yeni Azərbaycan Partiyasının mərkəzi qərargahında davam etdirilmişdir. 118 nömrəli tam orta məktəbin şagirdləri Fatimə Məmmədli, Hilda Rəhmanova, Sona Ağayeva, Nərmin Məmmədli, Nəzakət Səmədovanın təqdimatında Zərifə xanım Əliyevaya həsr olunmuş şeirlər səsləndirilmiş, görkəmli oftalmoloq alim haqqında “Zirvələrə yüksələn zərif insan ömrü” filmi nümayiş olunmuşdur.
