Aprel şəhidləri - ehtiramla anırıq
2016-cı il aprelin əvvəllərində Azərbaycanın ön xətt mövqeləri və yaşayış məntəqələri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını aldı. Bu, aprel döyüşləri kimi tarixləşdi.
Döyüşlər Azərbaycan Ordusunun qələbəsi ilə nəticələndi. Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bəzi mövqelər düşməndən azad olundu.
Məktəbin tarix müəllimi Gülər Osmanovanın rəhbərlik etdiyi X "A" sinfində Aprel zəfərinə həsr olunmuş nümunəvi dərs keçirildi. Şagirdlər dördgünlük Aprel müharibəsinin başvermə səbəbləri, döyüşlərin gedişi, nəticələri barədə ətraflı məlumat vermiş, videoçarxlar nümayiş etdirilmişdir.
