Novruz-baharın müjdəçisi
Bayramlar içində bir bayram var: ən əziz, ən doğma, ən sevimli bir bayram - Novruz bayramı! Uzun illər taleyinə ağrı-acı düşən, lakin unudulmayan bu bayram bizim milli bayramımızdır.
Məktəbin tədbirlər planına uyğun olaraq Novruz Bayramına həsr olunmuş silsilə tədbirlərin yekun mərhələsi keçirildi. "Novruz- bahar müjdəçisi" adlı tədbirdə rəngarəng bayram proqramı şagirdlərin ifasında təqdim olundu. Bayram atributları ilə zəngin sərgiyə və divar qəzetlərinə baxış keçirildi. Məktəbin direktoru məktəb və şagird heyətini səmimi qəlbdən təbrik edərək öz səmimi arzularını bildirdi. Şagirdlərə bayram hədiyyələri təqdim olundu.
