Məzun-2018
Dayanın, çalmayın sonuncu zəngi!
Yoxsa ürəyimə toxunacaqdır.
Bir zaman “gəl” deyən o doğma səsdə
Bir hicran nəğməsi oxunacaqdır.
Bu gün respublikanın bütün ümumtəhsil məktəblərində "Son zəng" çalındı. Təhsil Nazirliindən verilən məlumata görə, 2017/2018-ci tədris ilində IX sinfi 111 257, XI sinfi isə 83001 şagird bitirmişdir.
Səhər saat 08.00-dan məktəb hər gün olduğundan fərqli olaraq bir az daha həyəcan içində idi. Çünki, qanadları bərkiyən göyərçinlərini səmaya buraxacaqdı sərbəst uçuş üçün. Məzunların həyəcanı simalarına yansımışdı. Böyük bayram başladı. Şagirdlərin rəngarəng çıxışları hər kəsi valeh etdi. Məktəbin direktoru Nizaməddin Ağcayev şagirdlərə xeyir-dua vrdi. Nəhayət könülləri titrədən sonuncu zəng səsləndi və məktəb, məzunlarına "əlvida" dedi.
