Rus dili gecəsi keçirildi
Dekabr ayının 26-da 118 №-li tam orta məktəbdə «Rus dili gecəsi» keçirildi.Tədbir Azərbaycan Resublikasının Dövlət Himninin səsləndirilməsi ilə başlandı.Sonra isə, məktəbin rus dili müəllimi,tədbirin təşkilatçılarından biri olan Gülnarə Əfəndiyeva tədbiri giriş sözüylə açaraq, Rusiya və Moskva haqqında geniş məlumat verərək, rus ədəbiyyatının zənginliyindən danışdı.Sonra şagirdlərin ifasında məşhur Rus rəqsi olan «Kalinka»,«Çastuşki» və qafqazlıların milli rəqsi hesab olunan «Lezqinka» rəqsləri ifa olundu. Aşağı sinif şagirdlərinin ifasında «Qusi-qusi»,«Repka»,«Teremok» nağılları əsasında səhnəcikləri uşaqların və müəllimlərin böyük marağına səbəb oldu.Tədbir şagirdlərin bir-birindən maraqlı şeir, nağıl və mahnıları ilə davam etdirildi.Sonda tədbirin təşkilatçılarından olan Xalidə Süleymanova tədbirdə iştirak edən hər kəsə öz təşəkkürünü bildirdi.
