Soyqırım qurbanları anılır
Azərbaycan Prezidenti İlham Əliyev azərbaycanlıların soyqırımının 100 illiyi ilə bağlı Sərəncamına əsasən, “1918-ci il azərbaycanlıların soyqırımının 100-cü ildönümünün keçirilməsi barədə” Bakı Şəhəri üzrə Təhsil İdarəsi tərəfindən əmr imzalanmış və “1918-ci il azərbaycanlıların soyqırımının 100-cü ildönümünün keçirilməsi ilə əlaqədar Bakı Şəhəri üzrə Təhsil İdarəsinin Tədbirlər planı”na “Azərbaycanlıların soyqırımı tarixin sağalmaz yarasıdır” mövzusunda bədii qiraət gecələrinin və digər tədbirlərin keçirilməsi nəzərdə tutulmuşdur. Bununla əlaqədar məktəbin ibtidai sinif müəllimi Aygün Mabudova rəhbərlik etdiyi 3d sinfində ədəbi-bədii kompozisiya keçirdi. Şagirdlər, ümumilikdə Azərbaycan xalqının məruz qaldığı kütləvi qırğını özündə əks etdirən səhnəcikləri canladırdılar. Məktəbin direktoru Nizaməddin Ağcayev tədbir haqqında öz fikirlərini bildirdi.
