İxtisas seçirik
1991-ci ildə əsası qoyulmuş Azərbaycanın ilk özəl ali təhsil müəssisəsi olan Qərb Universiteti (indiki Qərbi Kaspi Universiteti) fəaliyyət göstərdiyi illər ərzində ölkənin aparıcı ali təhsil ocaqlarından birinə çevirilmişdir. 1992-ci ildən UNESCO nəzdindəki Beynəlxalq Universitetlər Assosiasiyasının,1996-cı ildən İdarəçiliyin İnkişafı üzrə Avropa Fondunun, 1999-cu ildən Qara Dəniz Ölkələri Universitetlər şəbəkəsinin, 2001-ci ildən Beynəlxalq İnzibati Elmlər İnstitutunun və "Atlas” Beynəlxalq Turizm Assosasiyasının üzvüdür. 2017-ci ildən adı dəyişdirilərək Qərbi Kaspi Universiteti olmuşdur. Hazırda Qərb Universiteti 50-yə yaxın ixtisas üzrə 1500-dən çox tələbəyə əyani və qiyabi təhsil proqramlarına əsaslanan təhsil verir.
Məktəblilərə ixtisas seçimində düzgün istiqamət verilməsi, imtahan öncəsi psixoloji gərginliyin minimuma endirilməsi, gələcəkdə universitetdə təhsil aldıqları zaman qarşılaşacaqları problemlərin həlli yolların və metodlarının onlara təlqin edilməsi məqsədilə Qərbi Kaspi Universitetinin əməkdaşları-fizika üzrə fəlsəfə doktoru Svetlana Quliyeva, "Texnopark robot klubunun rəhbəri Anar Mansurov tərəfindən məktəbimizdə təlim keçirildi. Təlimdə yuxarı sinif şagirdləri və müəllimlər iştirak etdi. Svetlana xanım universitetin fəaliyyəti haqqında geniş məlumat verdi, videoçarx nümayiş etdirildi. Anar müəllimin "Legosumo" robotu və onun iş prinsipinin əyani olaraq nümayiş etdirilməsi şagirdlərin böyük marağına səbəb oldu. Şagirdlər onlara paylanılan sorğu vərəqlərini doldurdular. Müəllimlər uşaqların çoxsaylı suallarını cavablandırdılar.
