Bülbülün 120 illik yubleyinə həsr olunmuş tədbir keçirildi
Noyabrın 14-də E.Cəfərov adına 118 nömrəli tam orta məktəbin akt zalında Azərbaycan professional vokal məktəbinin banisi, görkəmli müğənni, tədqiqatçı-alim və pedaqoq, tanınmış ictimai xadim, SSRİ xalq artisti, SSRİ Dövlət mükafatı laureatı Bülbülün (Murtuza Məşədi Rza oğlu Məmmədovun) anadan olmasının 120 illiyi münasibəti ilə tədbir keçirildi. Tədbirdə məktəbin direktoru N.F.Ağcayev, təlim-tərbiyə işləri üzrə direktor müavini E.H.Muqumov, məktəbin müəllimləri və şagirdlər iştirak edirdilər. Tədbir açıq elan edildikdən sonra aparıcılar qeyd etdilər ki, böyük sənətkar Bülbül zəngin yaradıcılıq yolu keçmiş və özünün çoxşaxəli fəaliyyəti ilə Azərbaycanın musiqi mədəniyyəti tarixində silinməz izlər qoymuşdur. Tədbir zamanı müxtəlif slaydlar nümayiş olundu, şeirlər və musiqilər səsləndirildi. Sonda məktəbin direktoru çıxış edərək tədbirin təşkilatçılarına və şagirdlərə təşəkkürünü bildirdi.
