Bayraq gününə həsr olunmuş tədbir keçirildi
E.Cəfərov adına 118 nömrəli tam orta məktəbin ibtidai sinif müəllimi F.F.Babayevanın rəhbərlik etdiyi məktəbəhazırlıq qrupu bu gün “Bayraq günü”nə həsr olunmuş tədbir keçirdi. Tədbirdə məktəbin direktoru N.F.Ağcayev, təlim-tərbiyə işləri üzrə direktor müavini E.H.Muqumov, müəllimlər və valideynlər iştirak edirdilər. Tədbirdə balaca fidanlar doğma vətənimizə, üçrəngli bayrağımıza aid şeirlər səsləndirdilər, mahnılar oxudular, milli rəqslər etdilər. Sonda məktəbin direktoru bu gün münasibəti ilə hər kəsi təbrik edərək gələcəyimiz olan bu körpələrin hər birini diplomla təltif etdi və müəllimə təşəkkürünü bildirdi.
