"Tənasüb" mövzusunda açıq dərs oldu
E.Cəfərov adına 118 nömrəli tam orta məktəbin illik fəaliyyət planına uyğun olaraq təhsilin keyfiyyətinin yüksəldilməsi məqsədi ilə açıq dərslər davam edir. Noyabrın 6-da məktəbin riyaziyyat müəllimi A.M.Quliyevanın 6”b” sinfində “Tənasüb” mövzusunda açıq dərsi oldu. Dərsdə məktəbin direktoru N.F.Ağcayev, təlim-tərbiyə işləri üzrə direktor müavini E.H.Muqumov və müəllimlər iştirak edirdilər. Dərs zamanı müəllim şagirdləri qruplara bölərək müxtəlif tapşırıqlar verdi. Dərsin sonunda şagirdlər tənasübə aid sadə məsələlərin həll edilməsi qaydalarını öyrəndilər. Sonda dərs müzakirə olundu, məktəbin direktoru müəllimə müəyyən tövsiyələr verdi və öz təşəkkürünü bildirdi.
