Sinif nümayəndələri ilə görüş keçirildi
Noyabrın 1-də E.Cəfərov adına 118 nömrəli tam orta məktəbin direktoru Nizaməddin Ağcayev və təlim-tərbiyə işləri üzrə direktor müavini Elşən Muqumov sinif nümayəndələri ilə görüş keçirib. Məktəbin direktoru noyabr ayı ərzində “Ən yaxşı sinif” müsabiqəsi elan edib. Müsabiqəninin keçirilmə qaydalarını‒‒məktəbin nizam-intizam qaydalarına riayət etməyi, şagirdlərin dərsə davamiyyəti və divar qəzetlərinin çıxarılması onların diqqətinə çatdırıb. Bunun üçün sinif nümayəndələrinin ayın sonunda məktəb rəhbərliyinə yazılı təqdimat hazırlamasını tapşırıb. Məktəbin rəhbərliyi onların vasitəsi ilə siniflərdəki problemləri öyrənib, onların suallarına cavab verib.
