"15 sentyabr- Bilik günü" keçirildi
Bu gün E.Cəfərov adına tam orta məktəbdə "Bilik günü"tədbiri keçirildi.Tədbir Azərbaycan Respublikasının Dövlət Bayrağının gətirilməsi və Azərbaycan Respublkasının Dövlət Himninin səsləndirilməsi ilə başlandı. Daha sonra məktəbin direktoru N.F.Ağcayev müəllimləri, şagirdləri, valideynləri yeni, 2017-2018 tədris ilinin başlanması münasibətilə təbrik etdi. Məktəbin keçən tədris ilindəki nailiyyətləri barədə məlumat verdi. Təhsil müəssisəsinin məqsədyönlü fəaliyyəti nəticəində şagird kontingentində ənənəvi olaraq bu ildə, ötən illərlə müqayisədə dinamik artımın nəzərəçarpacaq dərəcədə yüksəldiyini xüsusi vurğuladı.Təhsil nazirinin ümumi təhsil müəssisələrində 2017-2018-ci tədris ilinin ilk dərs məşğələsi haqqında əmrinə əsasən, ümumi təhsil müəssisələrində 2017-2018-ci tədris ilinin ilk dərs məşğələsi “Cocuq Mərcanlı-tarixi qayıdışın başlanğıcı” mövzusuna həsr olunacağını qeyd etdi. Qonaqlardan Suraxanı rayonu İcra Hakimiyyətinin Hövsan qəsəbəsi üzrə nümayəndəsi Ağasəlim Əliyev Suraxanı rayonu İcra Hakimiyyətinin başçısı İlqar Abbasovun təbrikini çatdırdı, Hövsan qəsəbəsində fəaliyyət göstərən ümumi təhsil məktəblərindən respublikamızın müxtəlif ali təhsil ocaqlarını qazanaraq tələbə adını alan şagirdlər haqqında qısa statistik göstəriciləri tədbir iştirakçılarının diqqətinə çatdırdı. Məktəbə ilk dəfə qədəm basan körpə balaların rəngarəng çıxışları hər kəsin zövqünü oxşadı. Bu tədris ilində işə qəbul imtahanlarına yüksək nəticə göstərərək gənc müəllimlərdən Azərbaycan dili və ədəbiyyatı müəllimi Nüşabə Qabalıyeva çıxış edərək öz arzularını bildirdi.Şagirdlərimizin ifasında vətən, torpaq, müəllim mövzularını əhatə edən şeirlər səsləndirildi İlk zəngin səslənməsi ilə həyəcan dolu addmlarla birincilər, daha sonra məktəbin digər şagirdləri doğma məktəbə daxil oldular.
