Şagirdlərimiz Milli Aviasiya Akademiyasında ekskursiyada oldular
Şagirdlərin dünyagörüşünün və elmi biliklərin artırılması məqsədilə iyunun 9-da məktəbin Azərbaycan dili və ədəbiyyat müəllimi Aynur Məmmədovanın rəhbərliyi ilə 7”a” sinif şagirdləri Milli Aviasiya Akademiyasında ekskursiyada oldular. Akademiyanın muzeyi ilə tanışlıq zamanı müəllim İ.O.Bayramova şagirdlərə xronoloji ardıcıllıqla aviasiya haqqında ilkin fikirlər, 1910-1920-ci illər Azərbaycanda aviasiya, Azərbaycan aviasiya tarixində ilk təyyarəçilər, Bakı aviasiya zabitlər məktəbi, mülki aviasiyanın ilk addımları, Azərbaycanda ilk təyyarəçi qadınlar, Heydər Əliyev və mülki aviasiyamız, Qarabağ müharibəsində şəhid olan mülki aviatorlarımız haqqında ətraflı məlumatlar verdi. Şagirdlər daha sonra Heydər Əliyev muzeyində oldular və burada Ulu öndərin həyat və fəaliyyətini əks etdirən video çarxa baxdılar. Akademiyanın əməkdaşlarına öz təşəkkürümüzü bildiririk və bu əməkdaşlığın davamlı olmağını arzulayırıq.
