“Bir kərə yüksələn bayraq bir daha enməz!”
Mayın 26-da Bakı şəhəri E.Cəfərov adına 118 nömrəli tam orta məktəbin Azərbaycan dili və ədəbiyyat müəllimi M.Q.Salmanovanın təşkilatçılığı ilə 8”a” sinfi 28 may-Respublika gününə həsr olunmuş “Bir kərə yüksələn bayraq bir daha enməz!” adlı tədbir təşkil etdi. Tədbirdə məktəbin direktoru N.F.Ağcayev , təlim-tərbiyə işləri üzrə direktor müavini E.H.Muqumov və məktəbin müəllimləri iştirak edirdilər. Azərbaycan Respublikasının Dövlət Himni səsləndirildikdən sonra aparıcılar-Heydərzadə Şahin və Əliyeva Asiman 28 may-Respublika günü haqqında ətraflı məlumat verdilər. Daha sonra şagirdlər Ə.Cavadın “Azərbaycan bayrağına”, B.Vahabzadənin “Vətən”, M.Şəhriyarın “Azərbaycan”, M.Arazın “Ayağa dur, Azərbaycan” şeirlərini səsləndirdilər. Tədbirdə müxtəlif video çarxlar nümayiş olundu. Tədbir “Azərbaycan” mahnısının sədaları altında yekunlaşdı.
