Həqiqət və gözəllik şairi Molla Pənah Vaqif
Mayın 24-ü 2017-ci il tarixində Bakı şəhəri E.Cəfərov adına 118 nömrəli tam orta məktəbin akt zalında böyük sənətkar, gözəllik və həqiqət şairi Molla Pənah Vaqifin 300 illik yubileyinə həsr edilmiş tədbir keçirildi. Tədbirdə Suraxanı Rayon İcra Hakimiyyətinin şöbə müdiri Barxudar Barxudarov, Bakı Şəhəri üzrə Təhsil İdarəsinin aparıcı məsləhətçisi Fərman Abdullayev, 76 nömrəli tam orta məktəbin direktoru Nəriman İsmayılov, 270 nömrəli tam orta məktəbin direktoru Əli İsgəndərov, 281 nömrəli tam orta məktəbin direktoru Gülşən Əliyeva, məktəb valideyn icmasının rəhbəri Hacı Allahverən Məmmədzadə, Azərbaycan Yazıçılar Birliyinin üzvləri – şairə Əzizə Ağahüseynqızı, Xalidə İlyasqızı və Sədaqət Şıxlı, Aşıq Azər Fərmayıl oğlu, Xətai rayon 254 nömrəli tam orta məktəbin Azərbaycan dili və ədəbiyyat müəllimləri iştirak etdilər. Giriş sözü ilə çıxış edən məktəbin direktoru Nizaməddin Ağcayev tədbirin keçirilməsinin əhəmiyyətindən danışdı. Suraxanı Rayon İcra Hakimiyyətinin şöbə müdiri Barxudar Barxudarov cənab Prezident İlham Əliyevin Molla Pənah Vaqifin 300 illik yubileyinin keçirilməsi haqqında izmaladığı sərəncamı yüksək qiymətləndirdi. İlham Əliyevlə birgə onun xanımı, Azərbaycan Respublikasının Birinci vitse-prezidenti, Heydər Əliyev Fondunun prezidenti, YUNESKO və İSESKO-nun xoşməramlı səfiri, Milli Məclisin deputatı Mehriban xanım Əliyevanın da Azərbaycanın milli-mədəni dəyərlərinin qorunub saxlanmasında göstərdiyi xidmətlərindən söz açdı. Bakı şəhəri E. Cəfərov adına 118 nömrəli tam orta məktəbdə keçirilən çoxşaxəli silsilə tədbirləri təqdirəlayiq hal kimi qiymətləndiridi, məktəbin direktoru Nizaməddin Ağcayevə və kollektivə öz təşəkkürünü bildirdi. Bakı Şəhəri üzrə Təhsil İdarəsinin aparıcı məsləhətçisi Fərman Abdullayev çıxış edərək bir zaman şərəf və şöhrəti ilə fəxr etdiyimiz ərlər, igidlər yurdu olan Şuşa şəhərinin indi bizi gözlədiyini qeyd etdi. Ali Baş Komandanın köməkliyi ilə torpaqlarımızın mütləq azad ediləcəyini söylədi. Vaqif yaradıcılığının Azərbaycan ədəbiyyatında mühüm yer tutmasından danışdı. Azərbaycan Yazıçılar Birliyinin üzvləri – şairə Əzizə Ağahüseynqızı, Xalidə İlyasqızı və Sədaqət Şıxlı çıxış edərək Molla Pənah Vaqifin bədii irsindən və Vaqifə ithaf etdikləri şeirlərdən nümunələr söylədilər. Sonra tədbir bədii hissə ilə davam etdi. Sagirdlər tərəfindən hazırlanmış müxtəlif kompazisiyalar, səhnəciklər , musiqi nömrələri nümayiş etdirildi. Məktəbimizə təşrif buyurmuş Aşıq Azər Fərmayıl oğlunun və Xanəndə Seymur Niftiyevin ifası tədbir iştirakçılarına böyük zövq verdi. Sonda məktəbin direktoru Nizaməddin Ağcayev tədbirin təşkilatçısı Ülkər Yaqubovaya və Rəhilə Hacıyevaya , eyni zamanda gələn qonaqlara öz təşəkkürünü bildirdi. Tədbir şagirdlərin ifasında “Bura Vətəndir” mahnısının səslənməsi ilə yekunlaşdı.
