Biologiya fənnindən "Açıq dərs" keçirildi
Mayın 22-də E.Cəfərov adına 118 nömrəli tam orta məktəbin biologiya müəllimi Alıyeva Bəsti Nizami qızı 7”b” sinfində “Məməlilər sinfi” mövzusunda “Açıq dərs” təşkil etdi. Dərsdə məməlilər sinfinin xarakter xüsusiyyətlərini, xarici quruluşunu, həzm sistemini, qan-damar sistemini, tənəffüs sistemini, sinir sistemini, ifrazat sistemini, hiss orqanlarını öyrənmək üçün araşdırma aparıldı. Şagirdlər məməlilər sinfinə aid olan canlının daxıli qurluşunu əyani şəkildə müşahidə edərək orqanları təyin etdilər, ürəkdə aortanı ,ağciyər arteriyalarını təcrübü yolla müşahidə etdilər. Dərsdə məktəbin direktoru N.F.Ağcayev, təlim-tərbiyə işləri üzrə direktor müavini E.H.Muqumov və məktəbin müəllimləri iştirak edirdilər. Sonda məktəbin direktoru şagirdlərə və müəllimə öz təşəkkürünü bildirdi.
