“Kompüter şəbəkələri” mövzusunda “Açıq dərs” keçirildi
Mayın 16-sı məktəbin informatika müəllimi G.İ.Bayramova 8”c” sinfində “Kompüter şəbəkələri” mövzusunda “Açıq dərs” təşkil etdi. Dərsdə məktəbin direktoru N.F.Ağcayev, təlim-tərbiyə işləri üzrə direktor müavini E.H.Muqumov və digər müəllimlər iştirak etdilər. Dərsdə müasir interaktiv təlim metodlarından istifadə olundu, kompüter şəbəkələrinin növləri və strukturları haqqında ətraflı məlumat verildi. Şagirdlər qruplarla və fərdi formada işlədilər və dərsin nəticəsi olaraq kompüter şəbəkələrinin növlərini izah etmək və kompüter şəbəkələrinin strukturlarını şərh etmək bacarığına yiyələndilər. Sonda məktəbin direktoru müəllimə və şagirdlərə təşəkkür etdi, öz tövsiyəsini verdi.
