“Bayatılar” mövzusunda dərs dinləməsi oldu
16 may 2017-ci il tarixində məktəbin ibtidai sinif müəllimi Xəyalə Cəfərovanın 2ç sinfində Azərbaycan dili fənnindən “Bayatılar” mövzusunda dərs dinləməsi oldu. Dərsdə məktəbin təlim-tərbiyə işləri üzrə direktor müavini E.H.Muqumov, məktəbin Azərbaycan dili və ədəbiyyat müəllimi A.Ə.Məmmədova, 275 nömrəli tam orta məktəbin ibtidai sinif müəllimi S.İ.Umudova iştirak edirdilər. Dərs zamanı müəllim dərsin mərhələlərinə düzgün əməl etdi, motivasiya və tədqiqat sualları məqsədəuyğun idi, tədqiqatın aparılması zamanı müəllim şagirdləri cütlərlə və fərdi formada işlətdi, mübadilə və müzakirə zamanı hər bir şagirdə xüsusi diqqət ayırdı, ümumiləşdirmə aparıldı, şagirdlər qiymətləndirildi. Dərsin dinlənilməsində əsas məqsəd tədrisin keyfiyyətinin yüksəldilməsi, yeni metod və üsulların tətbiq edilməsidir.
