Məktəbin kollektivi Nizami Gəncəvi adına Ədəbiyyat Muzeyində oldu
Bakı şəhəri Etibar Cəfərov adına 118 nömrəli tam orta məktəbin kollektivi 2016/2017-ci tədris ilinin tədbirlər planına əsasən Nizami Gəncəvi adına Ədəbiyyat Muzeyində ekskursiyada oldu. Ekurskursiya məktəbin Azərbaycan dili və ədəbiyyat müəllimi Ülkər Yaqubovanın və digər müəllimlərin rəhbərliyi ilə həyata keçirildi. Muzey əməkdaşı Azərbaycana məxsus nadir və dəyərli maddi mədəniyyət nümunələri haqqında şagirdlərə ətraflı məlumatlar verdi. Onların içərisində müxtəlif dövrlərdə yaşamış böyük şəxsiyyətlərə məxsus əşyalar, kolleksiyalar, Azərbaycan xanlıqlarına aid nümunələr, vaxtilə mahir azərbaycanlı sənətkarlar tərəfindən toxunmuş xalılar və digər sənət əsərləri var idi. Eksponatlarla yaxından tanışlıq Azərbaycan ədəbiyyatının və tarixinin daha da dərindən öyrənilməsinə , şagirdlərin dünyagörüşünün artmasına səbəb oldu.
