İnternetin həyatımızda rolu
Texnologiya biz istəsək də, istəməsək də öz mədəniyyətini meydana gətirir. Bu, internet üçün də belədir. Balanslı internet istifadəçisi kimi onun istifadəsində də ifrata varmayıb bu əhəmiyyətli ünsiyyət vasitəsindən öz faydamız üçün istifadə edə bilərik. Bu gün informatika müəllimi Gülər Bayramovanın təşəbbüsü ilə 8b sinfində "İnternetin həyatımızda rolu" mövzusunda dərs keçirildi. Dərsdə internet, İKT -nin həyatımızda rolu, əhəmiyyəti, tətbiq sahələri araşdırıldı. İnternet və onuun rolu haqqında geniş müzakirə aparıldı. Qeyd olundu ki, kompyuter texnikası artıq gündəlik həyatımızın ayrılmaz tərkib hissələrindən birinə çevrilib. Şübhəsiz, günümüzdə kompyuterin ən böyük faydalarından biri qısa zaman içərisində kitablardan axtardığımız bilikləri buradan əldə edə bilməyimizdir. Hal-hazırda internet bir bilik kitabxanasıdır, çünki internetdə axtarıb tapa bilməyəcəyimiz bir şey yoxdur. Ədəbiyyat, tarix, riyaziyyat, mədəniyyət, incəsənət-bir sözlə, axtardığın hər şeyi internetdə əldə etmək mümkündür. İnternet vasitəsi ilə başqa-başqa ölkələrdə yaşayan insanlarla əlaqə yaradıb, onların mədəniyyəti, adət-ənənələri haqqında məlumat alıb öz ölkən haqqında onları məlumatlandırırsan. XXI əsr cəmiyyətin formalaşmasına təsir edən ən mühüm amillərdən biri olan informasiya-kommunikasiya texnologiyasının insanların həyatında rolu, göründüyü kimi getdikcə artmaqdadır.
