APREL DÖYÜŞLƏRİNDƏN 1 İL KEÇDİ
Aprel ayı Azərbaycan xalqının tarixinə həm kədərli, həm də qürurverici səhifə kimi yazıldı. 1 il bundan öncə baş vermiş “Dördgünlük müharibə” Azərbaycan ordusunun vətənpərvərlik ruhunun son dərəcə yüksək olduğunu təsdiqlədi. Azərbaycan xalqı bir daha əmin oldu ki, ordumuz Ali Baş Komandanın əmri ilə bütün torpaqlarımızı qısa müddətdə işğaldan azad etmək qüdrətindədir. Vətən hər birimiz üçün müqəddəsdir və bu gün Azərbaycanımızı qorumaq üçün Azərbaycan Respublikasının Prezidenti, Ali Baş Komandan cənab İlham Əliyevin ətrafında sıx birləşməli, harada olmağımızdan asılı olmayaraq dövlətçiliyə daim sədaqətli olmalıyıq. Aprel döyüşləri zamanı Azərbaycan ordusunun düşmənə sarsıdıcı zərbələr endirməsi, qəhrəman oğullarımızın döyüşlərdə göstərdiyi şücaət işğal altında olan torpaqlarımızın yaxın zamanda azad ediləcəyini bir daha sübut etdi. Məktəbimizdə aprel döyüşləri ilə bağlı müxtəlif tədbirlər keçirilir. Bu gün məktəbimizin IX-XI siniflərində aprel döyüşlərinə həsr olunmuş Tofiq Şahmuradovun müəllifi olduğu “Döyüş gündəliyi - Talış” adlı filmi nümayiş etdirildi. Daha sonra bu döyüşlərdə şəhid olmuş Azərbaycan igidləri haqqında slayd göstərildi. Sonda şagirdlər öz təəssüratları müəllimlərlə bölüşdülər.
