"Yurdumuza bahar gəlir"
Bakı Şəhəri üzrə Təhsil İdarəsinin fəaliyyət planının 1.3.20. bəndinə əsasən “Novruz milli –mədəni dəyərimizdir” mövzusunda 17.03.2017-ci il tarixində məktəbimizdə “Yurdumuza bahar gəlir” adlı tədbir keçirildi. Tədbir Azərbaycan Respublikasının Dövlət Himninin səsləndirilməsi ilə başlandı. Tədbirin aparıcıları-Dərbəndəliyev Etibar və Əsədli Fidan xalqımızın milli adət-ənənələri haqqında ətraflı məlumat verdilər. Məktəbimizin şagirdləri bir-birindən gözəl çıxışlar etdilər. Şagirdlər bayrama aid şerlər, bayatılar söylədilər, mahnılar oxudular, rəqslər etdilər. Səhnəcik hazırlayan uşaqlar öz məharətlərini nümayiş etdirdilər. Milli folklorumuzdan “Hakışta” deyişməsi oldu. Tədbir uşaqlara sevinc dolu anlar yaşatdı. Sonda məktəbimizin direktoru Nizaməddin Ağcayev tədbir iştirakçılarını Novruzun gəlişi münasibəti ilə təbrik etdi, onlara uzun ömür, can sağlığı, dünyamıza sülh, evlərimizə ruzi-bərəkət arzuladı. BAYRAMINIZ MÜBARƏK!!!
