Novruz bayramına həsr olunmuş konsert keçirildi
Martın 16-da məktəbimizin akt zalında Bakı Şəhər Mədəniyyət və Turizm Baş İdarəsinin 37 nömrəli uşaq musiqi məktəbinin şagirdləri Novruz bayramına həsr olunmuş konsert keçirdilər. Konsertdə müəllimlər, şagirdlər və valideynlər iştirak edirdilər. Şagirdlərin ifasında el havaları, Azərbaycan və Avropa bəstəkarlarının əsərləri səsləndirildi. Sonda 37 nömrəli uşaq musiqi məktəbinin direktoru Möhüb Babayev, məktəbimizin direktoru Nizaməddin Ağcayev çıxış edərək müəllimləri, şagirdləri və valideynləri Novruz bayramı münasibətilə təbrik etdilər, xalqımızın musiqi sənətinin, mənəvi dəyərlərinin qorunub saxlanmasında dövlətin göstərdiyi qayğı və diqqəti xüsusi ilə vurğuladılar. Sonda məktəbin ictimai həyatında fərqlənən müəllimlər və şagirdlər tərifnamə ilə təltif edildilər, onlara işlərində müvəffəqiyyətlər arzuladılar.
