Şəhid Elvin Əlimovun məzarı ziyarət olunub.
06.12.2024 cü il tarixində məktəbin təlim-tərbiyə işləri üzrə direktor müavini Elnarə Namazova və Azərbaycan dili müəllimi Nəzakət Rəhimova 6e sinfinin şagirdləri ilə şəhid Elvin Əlimovun Hövsan qəsəbəsində yerləşən qəbiristanlıqdakı məzarını,sonra isə ailəsini ziyarət ediblər.
Şagirdlər şəhidimizin məzarı önünə gül dəstələri qoyublar.
Şəhid Elvin Əlimov 1995-ci il iyunun 8-də Qusar rayonunun Köhnə Xudat Qazmalar kəndində anadan olub. Orta təhsilini Suraxanı rayonu Hövsan qəsəbəsində yerləşən 280 saylı orta məktəbdə alıb.
Elvin Əlimov Cəmşid Naxçıvanski adına hərbi liseyi , sonra isə Heydər Əliyev adına ali hərbi məktəbi bitirib.
2017-ci ildə leytenant rütbəsində təhsilini uğurla başa vuran Elvin Əlimov Azərbaycan ordusunun hərbi hissələrindən birində xidmət edib. II Qarabağ savaşı başlayanda cəbhəyə yollanıb və Füzuli istiqamətində gedən döyüşlərdə qəhrəmancasına iştirak edib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elvin Əlimov ölümündən sonra "Vətən uğrunda", "İgidliyə görə", "Cəbrayılın azad olunmasına görə" və “Füzulinin azad olunmasına görə" medalları ilə təltif edilib.
Allah rəhmət eləsin.
