118 №-li tam orta məktəb

28.02.2017-ci il tarixində məktəb rəhbərliyi məktəbin müəllimləri,məktəb valideyn icmasının sədri və sinif valideyn icmalarının iştirakı ilə valideyn iclası keçirmişdir. İclası giriş sözü ilə açan məktəbin direktoru N.F.Ağcayev iştirakçıları salamladıqdan sonra Lütfi Zadə adına Məktəblilərarası I Məntiq Olimpiadasının final mərhələsinin iştirakçılarını səhnəyə dəvət edərək onlara sertifikatlarını təqdim etdi. Daha sonra o, şagirdlərin dərsə davamiyyəti,nizam-intizam qaydaları haqqında valideynləri məlumatlandırdı. Məktəb direktoru hər zaman olduğu kimi şagirdin təhsildə uğurlu nəticə qazanması üçün məktəb-valideyn əlaqələrinin nə qədər böyük əhəmiyyətə malik olduğunu iclas iştirakçılarının nəzərinə çatdırdı. Təlim-tərbiyə işləri üzrə direktorun müavini E.H.Muqumov və məktəbin müəllimi Ş.N.Həsənova IX siniflərin 5 mart tarixində keçiriləcək buraxılış imtahanları haqqında valideynləri ətraflı məlumatlandırdılar. İclasda sinif valideyn icmalarının nümayəndələri-Ş.Şükürova,A.Sadıqova,M.Məmmədova və başqaları çıxış edərək hər bir valideyni məktəblə daha yaxından əlaqə qurmağa çağırdılar. Sonda məktəb rəhbərliyi valideynləri maraqlandıran sualları cavablandırdı,onların irad və təkliflərinə münasibət bildirdi.