Suraxanı rayonunda 2016-cı ilə yekun vurulmuşdur
“Suraxanı rayonunda 2016-cı ilin sosial-iqtisadi inkişafının yekunları və 2017-ci ildə qarşıda duran vəzifələr haqqında” hesabat yığıncağı keçirilmişdir. Tədbir iştirakçıları əvvəlcə Ümummilli Liderin Heydər Əliyev parkında ucalan abidəsini ziyarət etmiş, önünə tər güllər qoymuş, sonra isə Heydər Əliyev parkında həmişəyaşıl ağaclar əkmişlər. Bununla da rayonda ağacəkmə kampaniyasına start verilmiş, ilk olaraq Əmircan qəsəbəsində Balandin küçəsində 500 ağac əkilmişdir.Hesabat yığıncağının iştirakçıları rayon İcra Hakimiyyətinin Rəsm qalereyasında ötən ilin iqtisadi göstəricilərini əks etdirən stendlərə baxmış, rayonun sənaye müəssisələrinin istehsal etdiyi məhsullarla tanış olmuşlar.Hesabat yığıncağında rayonda aparılmış abadlıq-quruculuq işləri haqqında film nümayiş olunmuş, rayon İcra Hakimiyyətinin başçısı İlqar Abbasov hesabat məruzəsi ilə çıxış etmişdir.Məruzə ərtafında çıxışlarda müəssisə və xidmət sahələrinin rəhbərləri, rayon sakinləri iştirak etmişlər.Yığıncaqda Azərbaycan Respublikası Prezidentinin Administrasiyasının məsul işçisi Tağı Tağıyev çıxış etmişdir.Yekunda rayon İcra Hakimiyyətinin başçısı İlqar Abbasov xüsusi vurğuladı ki, Azərbaycan xalqının ümummilli lideri, Ulu öndər Heydər Əliyevin siyasi və iqtisadi kursuna sadiq olan rayonun əmək kollektivləri və sakinləri qəbul edilmiş Dövlət Proqramlarında müəyyən olunmuş iqtisadi inkişaf hədəflərinin təmin olunması, nəzərdə tutulmuş bütün işlərin vaxtında və keyfiyyətlə yerinə yetirilməsi, qazanılmış uğurların daha da artırılması üçün əzmlə çalışacaq, rayonun inkişaf etdirilməsi və abadlaşdırılması naminə hər kəs üzərinə düşən vəzifələri bundan sonra da məsuliyyətlə yerinə yetirəcəkdir.Sonda Azərbaycan Respublikasının Prezidenti cənab İlham Əliyevə yığıncaq iştirakçıları adından müraciət qəbul olundu.Hesabat yığıncağında Milli Məslisin deputatları Ağacan Abıyev, Sevinc Fətəliyeva iştirak etmişdir.Qeyd edək ki,rayonun ictimai həyatında fəal iştirakına görə məktəbimizin direktoru Ağcayev Nizaməddin Fərhad oğlu rayon İcra Hakimiyyətinin başçısı İlqar Abbasovun sərəncamı ilə fəxri fərmanla təltif olunmuşdur.Məktəbimizin direktorunu təbrik edir,gələcək fəaliyyətində uğurlar arzulayırıq.
