Şəhid Etibar Firuz oğlu Cəfərov-un məzarı ziyarət olundu.
Etibar Firuz oğlu Cəfərov 1964-cü ilin iyunun 22-də Bakı şəhəri Suraxanı rayonu Hövsan kəndində dünyaya göz açmışdır. 1971-ci ildə 118 № -li tam orta məktəbin I sinfinə daxil olmuş, 1979-cu ildə həmin məktəbin VIII sinfini bitirmişdir. Rusiya Federasiyasının Krasnoyarsk diyarında hərbi xidmətdə olmuşdur. Hərbi xidməti bitirdikdən sonra doğma kəndinə qayıtmışdır. I Qarabağ müharibəsi başlayan zaman könüllü olaraq cəbhəyə yollanmışdır. Döyüşlərdə yüksək ad-san qazanmışdır. Əvvəllər Ağdam bölgəsində gedən döyüşlərdə iştirak etmiş, 1993-cü ilin 15 noyabrında Fizuli rayonunun Horadiz kəndi uğrunda gedən döyüşlərdə iştirak etmişdir. 1994-cü il 5 yanvarda Horadiz uğrunda gedən döyüşlərdə qəhrəmancasına şəhid olmuşdur. Təhsil aldığı 118 № -li tam orta məktəb 1994-cü ildən onun adını daşıyır.
Bu gün məktəbin 8 b sinif şagirdləri sinif rəhbəri Əfsanə Əliyeva və UBT rəhbəri Sinarə Məmmədova ilə birlikdə şəhidin məzarını ziyarət edib, şəhidin məzarı önünə gül dəstələri qoyulub.Şəhidlər unudulmur!
Allah rəhmət eləsin. Ruhu şad olsun.
