Azərbaycan Milli Tarix Muzeyi və Hacı Zeynalabdin Tağıyevin Ev Muzeyində ekskursiya təşkil olundu.
"8 noyabr Zəfər Günu" münasibətilə məktəbin 8 a sinifinin sinif rəhbəri Xalidə Süleymanova və məktəbin tarix müəllimi Elnurə Quliyevanın iştirakı ilə sagirdlərimiz Azərbaycan Milli Tarix Muzeyi və Hacı Zeynalabdin Tağıyevin Ev Muzeyində ekskursiyada oldular.
"Tariximizi öyrənək" adı altında təşkil olunan ekskursiyanın məqsədi şagirdlərimizə tariximiz haqqında məlumat vermək onlara, milli-mədəni irsimizi öyrətməkdir.
Bələdçilərin vasitəsilə şagirdlərimiz xalqımızın tarixini əks etdirən Azərbaycanın qədim dövrlərinə aid müxtəlif maddi mənbələr, eksponatlar, bəzək əşyaları, əmək alətləri və digər zəngin kolleksiyalar ilə tanış oldular.
Həmçinin Hacı Zeynalabdin Tağıyevin ev muzeyi haqqında geniş məlumat topladılar. Ekskursiya iştirakçılar tərəfindən böyük maraqla qarşılandı.
