Vaqif Mərdanovun doğum günü münasibətilə şəhidin məzarını ziyarət olundu.
Gənc nəslin vətənpərvərlik ruhunda tərbiyə olunması biz müəllimlərin qarşısında duran ən mühüm vəzifələrdən biridir. Bizim məqsədimiz uşaqlara təhsil, elm verməklə yanaşı, həm də onları yetkin bir vətəndaş kimi yetişdirmək, onlarda vətənə, torpağa sədaqət, lazım gələrsə, Vətən yolunda şəhidliyə hazır olmaq ruhunu aşılamaqdır.
06.10.2023-cü il tarixində 118 nömrəli məktəbin direktoru Nizaməddin Ağcayev, sinifdənxaric və məktəbdənkənar tərbiyə işi üzrə təşkilatçısı Kəmalə Əmirzadə və Vaqif Mərdanovun adını daşıyan 2c sinfinin sinif rəhbəri Fəridə Balayeva sinfinin şagirdləri ilə məktəbin şəhid məzunu Vaqif Mərdanovun doğum günü münasibətilə şəhidin məzarını ziyarət etmişlər.Şəhidin məzari üstündə şagirdlər şeirlər söylədilər , məzarı önünə əklil qoyuldu. Məktəbin direktoru Nizaməddin Ağcayev şəhidin məzarı başında nitq söylədi.
Daha sonra şəhidin evi ziyarət olundu.Səhidin valideynləri şəhid Mərdanov Vaqif haqqında maraqlı söhbət etdi.
