Mayın 18-dən iyunun 18-dək respublikamızda "İnsan Hüquqları Aylığı" keçirilir.
Məlum olduğu kimi, Azərbaycan Respublikası Prezidenti cənab İlham Əliyevin 18 iyun 2007-ci il tarixli Sərəncamı ilə iyunun 18-i ölkədə "İnsan Hüquqları Günü" kimi qeyd olunur.
Hər il olduğu kimi, bu il də Azərbaycan Respublikasının İnsan Hüquqları üzrə Müvəkkilinin təşəbbüsü ilə mayın 18-dən iyunun 18-dək respublikamızda "İnsan Hüquqları Aylığı" elan edilir.
Bununla əlaqədar, aylıq çərçivəsində dövlət qurumları, QHT və KİV-lər, icmalar və beynəlxalq təşkilatlar tərəfindən insan hüquqları sahəsində səmərəli əməkdaşlığın davamı "Azərbaycan Respublikasında insan hüquq və azadlıqlarının müdafiəsinin səmərəliyini artırmaq sahəsində Milli Fəaliyyət Proqramı"nın müddəaları əsasında respublikanın şəhər və rayonlarında olduğu kimi 118 nömrəli məktəbdə də insan hüquqları ilə bağlı silsilə tədbirlər keçirilmişdir.
"İnsan Hüquqları Aylığı" çərçivəsində məktəbdənkənar və sinifdənxaric tərbiyə işləri üzrə təşkilatçı Kəmalə Əmirzadə və psixoloq Aytac Məmmədova şagirdlərlə mövzuya uyğun görüş keçirdi. Tədbirdə insanların hüquqlarından, bu hüquqların əhəmiyyətindən, insan azadlıqlarından, insanın şəxsi həyatında özünütəyinetmə və özünüreallaşdırma seçiminin reallaşdirilmasi və s. kimi məsələlər müzakirə edilmişdir.
