Şəhid Vaqif Mərdanovun xatirəsi 4e sinfi tərəfindən anılıb.
Vətən müharibəsində qəhrəmancasına döyüşərək şəhid olan Vaqif Mərdanovun xatirəsi 4e sinfi tərəfindən anılıb. Öncə Vətən uğrunda canını fəda edən şəhidin xatirəsi bir dəqiqəlik sükutla yad edilib. Məktəbin təlim-tərbiyə işləri üzrə direktor müavini Məmmədli Güllər şagirdlərə 44 günlük Zəfər yürüşündən və tariximizə yazılan şanlı Qələbədən söhbət açıb. Şəhidin xatirəsinə inşa edilən bulaqda məktəblilərin ifasında Vətən qəhrəmanlarına həsr edilən şeirlər səsləndirilib.
Qeyd edək ki, Vaqif Mərdanov döyüşlərdə göstərdiyi şücaətə və qəhrəmanlığa görə ölümündən sonra “Vətən uğrunda”, “Cəbrayılın azad olunmasına görə”, “Qubadlının azad olunmasına görə” medalları ilə təltif olunub.
