Zərifə xanım Əliyevanın anadan olmasının 100 illiyi ilə əlaqədar tədbir keçirilib.
Məktəbimizdə 5 nömrəli "Uşaq inkişaf mərkəzi"nin birgə əməkdaşlığı ilə görkəmli oftalmoloq-alim, akademik Zərifə xanım Əliyevanın anadan olmasının 100 illiyi ilə əlaqədar tədbir keçirilib.Tədbirin bədii hissəsində görkəmli alimin şərəfli həyat yolundan, elmi nailiyyətlərindən, ictimai xadim kimi əvəzsiz fəaliyyətlərindən bəhs edən videoçarx nümayiş olunub. Şagirdlər Zərifə xanım Əliyevaya həsr olunan şeirləri bədii qiraət edib və musiqi nömrələri ilə çıxış ediblər.
Sonda Suraxanı rayon icra hakimiyyətinin İctimai-siyasi və humanitar məsələlər şöbəsinin baş məsləhətçisi Əsədullayev Anar Mirbağır oğlu və məktəbin direktoru Nizaməddin Ağcayevdə çıxış etdilər. Çıxış edənlər görkəmli alimin həm də nəcib, qayğıkeş insan, səmimi dost kimi yadda qaldıgıni vurğulayaraq bildirdilər ki, Zərifə Əliyeva peşəkar həkim olmaqla yanaşı, həm də ictimai xadim, millətinə, vətəninə, peşəsinə, ailəsinə bağlı bir ziyalı, xeyirxah əməllər sahibi kimi yaddaşlara həkk olunub. Ulu öndər Heydər Əliyevin sədaqətli və ləyaqətli ömür –gün yoldaşı kimi ona həmişə dayaq olub.
