8ç sinfində biologiya müəllimi Əlimanova Nigar açıq dərs keçirmişdir.
Məktəbin İllik Fəaliyyət Planına uyğun olaraq açıq dərslər davam edir. 19.04.2023- cü il tarixində 8ç sinfində biologiya müəllimi Əlimanova Nigar açıq dərs keçirmişdir. Dərs müasir təlim metodlarından istifadə etməklə qurulmuşdur. Şagirdlər gözün quruluşu, göz xəstəlikləri haqqında ətraflı məlumat verdilər. Dərs zamanı ptomethean lövhədən istifadə edilməsi dərsin daha yaxşı qavranılmasına şərait yaratmışdır.
Mövzu Azərbaycan tibb elmində silinməz izlər qoymuş, səhiyyəmizə böyük töhfələr vermiş akademik Zərifə xanım Əliyevanın 100 illik yubileyi ərəfəsinə təsadüf etdiyindən, görkəmli akademikin bu sahədə gördüyü işlərindən də danışıldı. Akademik Zərifə xanım Əliyeva respublikamızda tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanmışdır. Onun elmi-pedaqoji və ictimai fəaliyyəti həkimlərin yeni nəslinin yetişməsinə və Azərbaycanda oftalmologiya elminin inkişafına güclü təsir göstərmişdir.
