“Heydər Əliyev və Azərbaycan tarixi” mövzusunda elmi-praktik konfrans keçirilib.
Azərbaycan xalqının Ümummilli Lideri, görkəmli dövlət xadimi Heydər Əliyevin anadan olmasının 100 illik yubileyi münasibətilə aprelin 5-də Bakı Şəhər İcra Hakimiyyətinin təşəbbüsü, Suraxanı rayon İcra Hakimiyyətinin və Suraxanı Rayonu Heydər Əliyev Mərkəzinin birgə təşkilatçılığı ilə keçirilən “Heydər Əliyev və Azərbaycan tarixi” mövzusunda məqalə-yazı müsabiqəsinin rayon mərhələsinin yekunlarına həsr olunmuş elmi-praktik konfrans keçirilib.
Konfransda məktəbin 10 a sinif şagirdi Rəhmanova Hilda Ceyhun qızı da iştirak edib. O, konfransda mövzu üzrə məqalə-yazılarını və hazırladığı slaydı təqdim edib.
Sonda keçirilən referat müsabiqəsinin rayon mərhələsinin fərqlənən şagirdləri rayon İcra Hakimiyyəti başçısının Fəxri Fərmanı təltif olunub və onlar mükafatlandırılıblar.
Məktəb kollektivi adından Rəhmanova Hildanı qazandığı uğur münasibətilə təbrik edirik!
