Məktəbin bir qrup şagirdi “Sağlam həyat” günlərində iştirak edib.
İnkişaf və Sülh Naminə Beynəlxalq İdman Günü münasibətlə Gənclər və İdman Nazirliyinin təşkil etdiyi “Sağlam həyat” günlərində hərbi rəhbər Anar Vekilovun təşkilatçılığı ilə məktəbin bir qrup şagirdi iştirak edib.
Əsas məqsədi əhali arasında sağlam həyat tərzinin təbliği olan “Sağlam həyat” günlərində qaçış, yerindən uzunluğa tullanma, ağırlıqqaldırma, turnik, top atma, dayaqlı vəziyyətdən qolların bükülüb-açılması və qarın əzələlərinin möhkəmləndirilməsi (“jim” və “press”) üzrə müvafiq normativləri yerinə yetirənlərə “qızıl”, “gümüş” və “bürünc” stikeri olan sertifikatlar təqdim olunur.
