Fəxri xiyaban və Şəhidlər xiyabanı ziyarət edildi
XX əsr tarixinə,insanlığa və bəşəriyyətə qarşı ən amansız və dəhşətli cinayətlərdən biri kimi düşmüş 1990-cı ilin 20 Yanvar hadisələrinin 27-ci ildönümü ərəfəsindəyik. Bununla əlaqədar olaraq məktəbimizin müəllim və şagirdləri 14.01.2017-ci il tarixində Fəxri xiyabana gələrək Ümummilli Lider Heydər Əliyevin, görkəmli oftalmoloq alim, akademik Zərifə xanım Əliyevanın xatirəsini ehtiramla yad etdilər, məzarları üzərinə tər çiçəklər düzdülər. Daha sonra Şəhidlər Xiyabanına gedərək Azərbaycanın müstəqilliyi və ərazi bütövlüyü uğrunda mübarizədə canlarından keçmiş vətənin qəhrəman övladlarının məzarlarını ziyarət etdilər. Sonda isə türk şəhidlərinin xatirəsinə ucaldılmış qardaşlıq simvolu hesab olunan Türk şəhidliyi abidəsi ziyarət olundu. Müəllimlər şagirdlərə geniş məlumat verdilər.
