31 Mart Azərbaycanlıların Soyqırımı Günüdür.
31 mart soyqırımı məktəbimizdə Azərbaycan xalqı və dövlətçiliyinin tarixində baş vermiş faciəli hadisə kimi yad olundu. Məktəbin akt zalında “31 mart azərbaycanlıların soyqırımı günü” ilə əlaqədar tədbir keçirildi. Tədbiri giriş sözü ilə məktəbin direktoru Nizaməddin Ağcayev açdı. Məktəbin şagirdləri tədbirdə çıxış edərək 1918-ci ilin 30 mart və 3 aprel tarixləri arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və daşnak erməni silahlı dəstələrinin azərbaycanlılara qarşı törətdikləri qırğın və qanlı cinayətlər haqqında ətraflı məlumat verdilər. Mövzu ilə əlaqədar təqdimatlar və video çarxlar təqdim edildi, soyqırım qurbanları bir dəqiqəlik sükutla yad edildi.
