Novruz bayramı münasibətilə tədbir keçirilib.
Məktəbimizdə "Novruz şənlikləri" davam edir. Bu şənliklər milli adət-ənənələrimizin yaşadılması, gələcək nəsillərə ötürülməsi baxımından böyük əhəmiyyət kəsb edir. 15.03.2023 tarixində məktəbin kitabxanaçısı Hüseynova Gülşənin təşkilatçılığı ilə " Novruz adət-ənənələri" mövzusunda tədbir keçirildi. Olduqca maraqlı keçən tədbirdə məktəb rəhbərliyi, müəllimlər iştirak ediblər. Daha sonra məktəbin oğlanlardan və qızlardan ibarət rəqs qrupu bir-birindən maraqlı repertuarla məclisdəkiləri şənləndiriblər. İbtidai sinif şagirdləri şeirləri ilə yadda qalıblar. Uşaqların Kosa və Keçəl ilə birlikdə göstərdiyi səhnələr izləyənlərin böyük marağına səbəb olub.Tədbirdə çıxış edən məktəbin direktoru Ağcayev Nizaməddin təbiətin oyanışından xəbər verən, insan həyatına yenilik, süfrələrə xeyir-bərəkət bəxş edən bahar, insanların arzu və ümidlərinin, niyyətlərinin pöhrələnməsini təcəssüm edən Novruz bayramı münasibətilə iştirakçıları təbrik edib, onlara sevinc dolu günlər arzulayıb.
