İlaxır çərşənbəyə həsr edilmiş tədbir keçirildi.
Qədim zamanlardan başlayaraq Novruz bayramı həmişə xüsusi bayram olaraq qeyd olunub. Elə bu məqsədlə, 14.03.2023-ci il tarixində məktəbin ibtidai sinif müəllimi Aliyarova Ayselin rəhbərliyi altında 1d sinfində ilaxır çərşənbəyə həsr edilmiş tədbir keçirildi. Tədbirdə Bahara aid şeirlər söyləndi, mahnılar oxundu. Qızlardan ibarət rəqs kollektivi milli geyimləri ilə “Bahar qız” rəqsini ifa etdilər. Tapmacalar, laylalardan ibarət səhnəciklər tamaşaçıların ürəyincə oldu. Milli folklorumuzdan “Hakışda” deyişməsi çox maraqlı keçdi. Keçəl və kosanın macəraları şənliyimizə daha bir rəng qatdı. Uşaqlar rəngli yumurtalarla döyüş təşkil etdilər. Qaliblər mükafatlandırıldılar. Şənliyimiz uşaqlara sevinc və fərəh gətirməklə başa çatdı.
