"Gənclər günü" nə həsr olunmuş yarış keçirildi.
Məktəbin tədbirlər planına uyğun olaraq UBTR Məmmədova Sinarənin təşkilatçılığı ilə "Gənclər günü" nə həsr olunmuş yarış keçirildi.Yarışın əvvəlində Dövlət himnimiz səsləndirildi, Vətən uğrunda canından keçən şəhidlərimizin xatirəsi bir dəqiqəlik sükutla yad edildi. Yarış məktəbin gənc müəllimləri arasında təşkil olundu. Yarış 3 mərhələdən ibarət idi. İlk 2 mərhələ hər biri 10 sual, 3-cü mərhələ 5 sual əsasında qurulmuşdur. Suallar ümumi dünyagörüş çərçivəsində idi, elmin bütün sahələrini əhatə edirdi.Qalib komanda kubokla və hədiyyələrlə təltif olundu. Sonda məktəbin direktoru Nizaməddin Ağcayev çıxış edərək gənc müəllimləri "Gənclər günü" münasibətilə təbrik etdi. Onlara işlərində və həyatlarında müvəffəqiyyətlər arzu etdi.
