Şəhid məzarı ziyarət edildi.
Oğlum, ayaq saxla, bir az asta gəz,
Burda Şəhid adlı bir oğul yatır.
Həyata doymamış, dünya gəzməmiş,
Arzusu qəlbində bir cavan yatır.
Oğlum, ayaq saxla, bir az asta gəz,
Burda Şəhid adlı bir oğul yatır.
Toyda oynamamış, körpə görməmiş,
Leylisi qəlbində bir Məcnun yatır.
Oğlum, ayaq saxla, bir az asta gəz,
Burda Şəhid adlı bir oğul yatır.
Övladdan doymamış, onu öpməmiş,
Həsrəti qəlbində bir ata yatır.
Oğlum, ayaq saxla, bir az asta gəz,
Burda Şəhid adlı bir oğul yatır.
Səni tanımamış, məni görməmiş,
Bizim üçün ölən bir igid yatır.
Soyuq düşünməmiş, qorxu bilməmiş,
Vətən üçün ölən qəhrəman yatır.
118 nömrəli tam orta məktəbin Fəxri şagirdi Şəhid Vaqif Mərdanovun doğum günü ərəfəsində and yerinə çevrilən şəhid məzarlığını məktəbin informatika müəllimi Könül Namazova rəhbərlik etdiyi 8"A" sinfi ilə ziyarət etdi. Şagirdlər Şəhid qəhrəmanların xatirəsini ehtiram sükutu ilə yad etdi və məzarları üzərinə çiçəklər düzdü.
