Şəhid bulağı ziyarət olunmuşdur.
Bu gün Azərbaycan xalqı, bütün dünya azərbaycanlıları müqəddəs Vətənimiz uğrunda canından keçən şəhidlərimizin xatirəsini dərin ehtiramla anır. Küçə, prospekt və meydanlarda, evlərin balkonlarında üçrəngli bayrağımız dalğalanır. Məscidlərdə, kilsələrdə, sinaqoqlarda Azərbaycanın ərazi bütövlüyü uğrunda canından keçmiş Vətən övladlarının ruhuna dualar oxunur. İnsanlar Anım Gününü həm də zəfər və iftixar günü kimi qeyd edirlər.
Məktəbin tədbirlər planına əsasən silsilə tədbirlər davam edir. Tərbiyə işləri üzrə direktor müavini Cəfərzadə Cavid Əli oğlunun təşkilatçılığı ilə məktəbin ingilis dili müəllimi E. Fidanın təqdimatında məktəbin şəhid məzunu Vaqif Mərdənovun əziz xatirəsini yad etmək üçün şəhid bulağı ziyarət olunmuşdur. Eyni zamanda Əliyeva Fidanın təşkilatçılığı ilə əziz birincilər Vaqif Mərdanovun şəhid bulağını ziyarət etmişdir.
