“Müstəqil Azərbaycan Respublikasının Konstitusiyasının yaranmasının 11 illiyi” mövzusunda dəyirmi masa keçirilmişdir
12.11.2016-cı il Azərbaycan Respublikasının əsas qanununun - Konstitusiyanın qəbul edildiyi gündür.Hazırkı Konstitusiya 12 noyabr 1995-ci ildə ümumxalq referendumu əsasında qəbul edilib.Bu, Azərbaycan Respublikasının müstəqilliyini bərpa etməsindən sonra ilk Konstitusiyası idi.Azərbaycan dövlətinin birinci Konstitusiyası 1921-ci il mayın 19-da I Ümumazərbaycan Sovetlər Qurultayında qəbul edilib. Azərbaycan SSR Konstitusiyasının 1921-ci il SSRİ Konstitusiyasına uyğunlaşdırılmış yeni redaksiyası 1925-ci il martın 14-də IV Ümumazərbaycan Sovetlər Qurultayında qəbul edilib. Azərbaycan SSR-nin 1978-ci il aprelin 21-də qəbul edilmiş son Konstitusiyası SSRİ Konstitusiyasına uyğunlaşdırılmış olsa da, müəyyən özünəməxsusluğa malik idi.Azərbaycan Respublikası müstəqilliyini bərpa etdikdən yeni Konstitusiya layihəsi üzərində ciddi iş başlandı. 1994-cü ildə prezident Heydər Əliyevin sədrliyi ilə Konstitusiya komissiyası fəaliyyətə başladı və layihə 1995-ci ildə ümumxalq müzakirəsinə verildi. 1995-ci il noyabrın 12-də ümumxalq referendumu ilə Azərbaycan Respublikasının ilk Konstitusiyası qəbul olundu.Azərbaycanın yeni Konstitusiyası 5 bölmədən, 12 fəsildən və 158 maddədən ibarətdir.Konstitusiyaya 24 avqust 2002-ci ildə, 18 mart 2009-cu ildə və 26 sentyabr 2016-cı ildə referendum yolu ilə əlavə və dəyişikliklər edilib.1996-cı il fevralın 6-da prezident Heydər Əliyevin sərəncamı ilə noyabrın 12-si Konstitusiya Günü elan edilib.Konstitusiya Günü ilə əlaqədar olaraq 118 nömrəli tam orta məktəbdə 10-11-ci sinif şagirdlərinin iştirakı ilə “Müstəqil Azərbaycan Respublikasının Konstitusiyasının yaranmasının 11 illiyi” mövzusunda dəyirmi masa keçirilmişdir.Dəyirmi masanın keçirilməsində əsas məqsəd hər bir insanda konstitusiya qanunlarına,insan və vətəndaş hüquq və azadlıqlarına və dövlətə hörmət ruhu aşılamaqdan ibarət oldu.Dəyirmi masa iştirakçıları mövzu ətrafında geniş müzakirələr apardılar.Təhsil hüquqları haqqında şagirdlərə geniş məlumat verildi.Sonda çıxış edən məktəbin direktoru Nizaməddin Ağcayev çox vacib və dəyərli məsələlərin müzakirə olunduğunu vurğuladı və dəyirmi masa iştirakçılarına təşəkkür etdi.
